AUTHOR POV
Dahil abala si Deighland sa paghahanda para sa anniversary event ng kompanya, halos hindi na siya nakakauwi. Kung makakauwi siya, gabi na, pagod, at bago pa makapagpahinga ay kailangan na ring bumalik sa opisina. Si Nathalie naman, bilang bago sa kompanya, ay halos araw-araw may seminar at meetings. Sa bahay, naging tahimik ang lahat — at sa gitna ng katahimikan, naiwan si Shantal na mag-isa.
Para malibang ang sarili, dinudukot niya ang sketchpad sa kanyang kwarto. Doon niya inilalabas ang mga bagay na hindi niya masabi sa iba. Isa sa mga ginuhit niya ay isang family portrait: ang mommy at daddy niya, si Deighland, si Nathalie at siya — magkakasama, nakangiti. Isang masayang pamilya na sa papel lang niya nakikita.
“A family I dream of…” bulong niya habang may patak ng luha na
