Isang mainit na bagay ang tumatama sa mukha ni Khethania, na siyang dahilan upang magising siya. Dahan-dahan niyang minulat ang mga mata, pero muli niya itong naipikit dahil sa sinag ng araw na tumatama sa mukha niya. Bumangon siya mula sa kama at napatingin sa paligid. Nasa kwarto na siya at pamilyar sa kanya ang silid.
"Sandali, ito ang kwartong binigay ni Reyna Carina sa amin ni Bella. Ibig sabibin nakabalik na kami sa Gordon," sambit niya sa sarili at muling pinagmasdan ang paligid.
Nag iisa lamang siya at may napansin siyang pagkain sa mesa na nasa tabi ng kama. Napangiti siya kinuha ang pagkain na nakalagay sa tray. Nagsimula siyang kumain habang napapatingin pa rin sa paligid. Habang kumakain siya, hindi niya maiwasang alalahanin ang mga nangyari sa Holland. Nag aala
