"Ano po ba ang kailangan nila?" kinunutan ko ng noo ang mga kalalakihan. Nahihiyang ngumiti ang isang matangkad na moreno. Naka army cut ang buhok nito at may itim na itim na mga mata.
"Hello po. Ako nga pala si Miko, at ang mga kasama ko po ay taga dito lang din sa paligid." aniya. Tinanguan ko siya at muling tinignan si Nanay na pinapanuod lang kami habang nag wawalis sa paligid.
"Ano daw pong kailangan nila, Nay?"
Huminto naman si Nanay at lumapit ulit sa akin.
"Eh hinahanap ka at kukunin ka daw muse para sa liga bukas. May gaganapin kasing liga ng basketball sa buong baranggay. Eh wala pa daw muse sa street natin kaya nagbabaka sakali silang pumayag ka para irepresenta ang lugar natin." paliwanag niya. Napasinghap ako at muling tinignan sina Miko.
Ako? Muse?
"Ha? Hindi po ako ma
