Ang akala ko ay katapusan ko na. Naisip ko na kaagad ang aking pamilya. Sina Dada at ang Duffy fam. Maging sina Shea at ang pamilya niya. Ang mga anak ko na maiiwan ko. Ang mga kagamitan ko. Kung ano ang kulay ng magiging kabaong ko. Subalit hindi pa pala ito ang wakas. Dahil sa halip na sa amin sumalpok ang napaka bilis na truck ay dumiretso ito sa ginagawang kalsada kung saan binubutas ang daan.
Napaka ingay. Sobrang lakas ng ingay ng pagsasalpukan subalit mas nanaig sa pandinig ko ang lakas ng hiyawan ng mga tao.
Nagawa kong iandar pagilid ang sinasakyan ko, gayon din si Taavi kaya hindi kami naapektuhan sa collision na nangyari. Mabuti at open ang space sa gilid ko, kaya doon namin naipunta ang sasakyan. Ang lakas ng kabog ng dibdib ko. Deja vu. Bumabalik sa akin ang alaala ng naka
