Kanina pa ako hindi mapakali dahil sa iniisip ko na uuwi na si Tiara dito sa Pilipinas.
Kahit sinabi na ni Leon na walang magiging problema ay hindi ko pa rin maiwasan na hindi kabahan.
Alas tres ang uwian dahil may meeting pa ang mga bosses namin kaya kami ni Ria ay excited na umuwi.
Pero dadaan kami ng mall dahil may mga sale na naman sa paborito namin na tindahan ng damit.
"Hindi ka ba susunduin ni Sir Leon?" Tanong ni Ria mayamaya habang maglalakad na kami papasok sa mall.
"Baka gabihin raw kasi siya kaya hindi niya ako masusundo." Sagot ko dito kaya tumango lang ito at napangiti.
Kumain muna kami ni Ria ng miryenda bago kami naghiwalay, nakauwi na ako at agad kong tinawagan sina nanay para kumustahin ang mga ito.
Agad naman itong sumagot at naging magaan ang pakiramdam ko, ang
