Kinakabahan pa ako kung ano ang mangyayari sa pagkikita namin ni ate ngayong araw, kaya si Ria ay sinamahan ako sa pakiusap na rin ni Leon dito.
Magkahawak kamay kami ni Ria na pumasok sa isang restaurant na kung saan ay nakita ko agad si ate.
Parang ang laki na ng tinanda nito sa loob lang ng isang taon, nag-iba na rin ang itsura nito kaya napahinga na lang ako ng malalim.
“Buti dumating ka na kanina pa ako naghihintay dito.“ Seryoso nitong turan kaya lalo akong nakaramdam ng kaba.
Sinabi ko na kay ate ang lahat at yong sinend ko rin na mga litrato tungkol sa panloloko ng asawa nito.
Pero hindi ko inaasahan ang sampal lang ang ginanti nito sa akin dahilan para ikagulat ko ito ng matindi.
“Hindi mo ako dapat pinangunahan at pinakialaman!“ Galit nito na sigaw sa akin kaya ang ibang ta
