Break Na Ba Tayo?
Chapter 31
"Wow may fireworks display pa! Ang galing! Ang ganda!" masayang sabi ni Sandro. Para siyang batang tuwang-tuwa sa fireworks na nakikita niya. Akala niya ay tapos na ang bonfire party. 'Yun pala ay may sayawan at libreng beer. Drink all you can sabi nga ni Mang Estong, sa kanila.
"Ang enjoy na enjoy ka ngayong gabi?" ngiting sabi ni Treyton. Habang pinapanuod nila ni Sandro, ang iba't-ibang kulay ng pailaw sa kalangitan ay niyakap niya ito sa mula sa likuran nito. Inilagay pa niya ang baba niya sa balikat ng kanyang kasintahan. Kanina habang kumakanta si Sandro, kasama nito si Braylon. Sobrang selos na selos siya. Ayaw naman niyang gumawa ng eksena dahil siya rin naman ang mapapahiya. Tsaka alam naman niyang wala naman ginagawang masama sila Sandro at Brayl
