Nakatingin ngayon si Giana sa repleksyon niya sa salamin. Nasa rest room siya sa gas station habang paulit-ulit niyang tinitigan ang sarili sa salamin. Bagong gupit kasi siya at maiksi na ngayon ang kanyang buhok.
Si Aedan naman ay abala sa paglalaro nito sa water faucet. Habang wala pa rin itong imik sa kanya. Pano kasi pinagupitan rin niya ang bata para hindi ito masyadong makilala sa mga taong makakakita sa kanila.
"Aedan, tara na." hinila na niya ang bata palabas sa CR at pinasakay sa kotse.
Tinagpo nila si Madame Sheryl sa parking lot ng McDonald. Nakita lang niya ang number nito sa telephone directory nila ni Hecthor. Tinawagan niya ito sa pag-aakalang may pinarerentahan itong apartment, pero mali pala ang akala niya. Isa pala itong directress sa isang humanitarian organization
