Napukaw ang alaala ni Carmen nang pumasok ang nurse upang tingnan ang kalagayan ng kanyang kapatid. May malay na si Justin, ngunit malungkot itong nakatitig sa kanya habang kinukuhaan ng blood pressure at nilalagyan ng gamot ang suwero.
Pagkaalis ng nurse, agad siyang lumapit sa kapatid.
"Ano'ng nararamdaman mo?" nag-aalala niyang tanong.
Ngumiti si Justin kahit bahagyang matamlay.
"Okay naman ako, Ate. Huwag ka nang mag-alala."
Hinimas ni Carmen ang ulo ni Justin.
"Gagawin ko ang lahat para gumaling ka," mahina niyang sabi.
"Umuuwi muna sina Nanay at Tatay para makapagpahinga," dagdag niya. "Mamaya sina Tita Belen at Aling Gina muna ang magbabantay sa'yo kasi papasok pa ako sa opisina."
Nakangiting tumango si Justin. "Okay. Ate... saan tayo kukuha ng pera?"
Umiling si Carmen. "Hi
