Nagising si Carmen dahil sa matinding gutom. Napansin niyang nasa kuwarto siya ni Tristan. Tumagilid siya at tinignan ang orasan na nakadikit sa dingding, mag-aalas onse na ng umaga.
Napalunok siya. Paano ako kakain nito? Napansin niyang nakakandado ang pinto. Nakakainis naman si Tristan. Bakit ayaw niya akong pauwiin? Nagsimulang sumiklab ang inis sa kanyang dibdib. Ano, itatago niya lang ako rito? Baliw ba siya?
Hinawakan niya ang kumot nang mahigpit. Pag nakalabas ako rito, isusumbong ko siya sa pulis. Aba, kidnapping na 'to!
Natigilan si Carmen nang bumukas ang pinto. Si Tristan.
Naka-office attire ito—nakasara pa rin ang blazer, maayos ang ayos ng buhok, parang hindi man lang nagmadali. May hawak itong tray na halatang naglalaman ng pagkain.
"Bumalik lang ako sa bahay para dalhan
