Magarbo at engrande ang kasal nina Tristan at Carmen, isang kasal na pinag-uusapan sa buong bansa. Ang malalaking pangalan sa politika, mga sikat na personalidad, at mga taong naging bahagi ng kanilang paglalakbay ay naroon upang maging saksi. Sa kabila ng magarang bulwagan, ang pinakamaningning ay ang ngiti ng bagong kasal habang tinatanggap ang isa’t isa sa harap ng Diyos at ng lahat.
Lahat ng pamilya ni Carmen ay dumalo, ganun din ang pamilya ni Tristan. Ang mga mata nila’y punong-puno ng luha at galak, sapagkat sa wakas ay natagpuan ng dalawa ang kanilang tahanan sa isa’t isa.
“Sa hirap at ginhawa, ikaw lang ang pipiliin ko,” bulong ni Tristan habang hinahagkan si Carmen.
“At sa bawat araw ng aking buhay, ikaw at ikaw lang ang iibigin ko,” tugon ni Carmen.
Nagpalakpakan ang lahat n
