PAGDATING ng afternoon class ni Lianne ay mas lalong hindi na siya makapag-concentrate sa pagtuturo. Para rin siyang tangang hindi nawawala ang ngiti sa labi. Na napansin ng ilang estudyante niya. Tinukso siya ng mga itong inlove daw siya.
“Si Ma’am, mukhang inlove na oh. Kanina pa pangiti-ngiti.” Tukso sa kanya ng isang estudyante niya. Kasunod niyon ang tuksuhan ng buong klase.
“Anong inlove-inlove ang sinasabi niyo? Mga bata pa kayo ha. Dapat hindi niyo pa alam ang mga ganyang bagay.” Sa halip ay wika niya sa mga ito. Kunwa’y sumeryoso siya pero deep inside ay kung bakit kinikilig naman siya.
“Ma’am, okay lang po iyan. Lalo nga po kayong gumaganda kasi kanina pa po kayo nakangiti eh.” Tukso pa ng isa namang estudyante niya.
“Tigilan niyo ako ha!” pinanatili niya ang kapormalan sa m
