MASAMANG-MASAMA ang pakiramdam ni Sayon ng umagang iyon. Mabigat ang kanyang pakiramdam at para siyang tatrangkasuhin. Maaga siyang nagbiyahe kaninang umaga pabalik ng Maynila at sa biyahe palang ay masama na ang kanyang pakiramdam. Makati rin ang kanyang lalamunan at para siyang sisipunin. Pagdating na pagdating niya sa kanyang bahay ay diretso kaagad siya sa kanyang kuwarto. Nagpalit lang siya ng damit pambahay at diretsong ibinagsak ang sarili sa kama. Wala pang sampung minuto ay nakatulog na siya.
Pagulat pa siya nagising ng maramdaman ang vibrate at tunog ng kanyang cellphone na ibinaba niya sa lamesita na katabi ng kanyang kama. Napapapikit pang sinagot niya ang tawag.
“Hello.” medyo paos ang kanyang tinig at bahagyang napaubo dahil sa kumati niyang lalamunan. Tinatamad din siyang
