DALAWANG araw ang matuling lumipas simula ng mag ‘dinner date’ sina Noah at Sayon. Hindi pa ulit nagkita ang dalawa. Sa gabi lang din sila nakakapag-usap kapag tumatawag ang binata sa kanya. Abala pa rin kasi ito sa mga trabaho lalo na sa ipinapatayong project nito sa Cebu. Naisip niyang siya naman ang bibisita sa binata. Wala namang masama roon. Bibisita lang naman siya. Maganda ang naging pag-uusap nila ng huli silang magkita kahit na may umepal na ex nito. Pahapyaw nalang nitong nabanggit ang tungkol sa nangyaring panggugulo daw ng Edmon na iyon kay Clarisse. Bagamat siniguro ni Noah na walang balikang mangyayari sa pagitan nito at ni Clarissa ay hindi pa rin siya matahimik. Ex pa rin nito ang babae at nagkakalapit pa rin ang dalawa. At maraming nagkakabalikang mag-ex kahit ano pa ang n
