IPINAGHILA si Sayon ni Noah ng silya para makaupo siya.
“Thank you.” Wika ni Sayon sa binata at mabining ngumiti na ginantihan din ng binata ng ngiti.
Pagkatapos ay lumigid naman ito ng mesa para maupo rin sa katapat niyang upuan. Kasalukuyan silang nasa isang magandang restaurant pero open area. Maganda ang ambience ng lugar at romantiko. Ilang mga pareho rin ang nasa kainan at sa paligid ay maririnig ang mahina at malamyos na tugtugin. Parang ang lahat ng naroroon ay punom-puno ng pagmamahalan. Mga parehang gustong makapaghapunan pero nasa romantikong lugar. Siyempre ay alam niyang hindi sila kasali roon ni Noah.
Mabuti na nga lang at nasabihan siyang magsuot siya ng something nice dahil doon pala sila pupunta. Napili niyang isuot ang isang semi-formal dress na walang manggas at hin
