NAKATUTOK ang remote na hawak ni Sayon sa TV. Palipat-lipat lang ang pinapanood niya dahil wala siyang magustuhang palabas. Sa huli ay tumigil ang channel sa isang cartoon na palabas na Tom & Jerry. Paborito niya ang dalawa kaya kahit matanda na siya ay pinapanood pa rin niya ito. Pero hindi niya ma-appreciate ngayon dahil kanina pa siya hindi mapakali. Nasa ibang dimensiyon nanaman kasi ang utak niya.
Pagkatapos ng tawag kanina ni Noah ay biglang hindi nanaman siya mapakali. Palaging ganoon ang sistema ng katawan niya pagdating sa binata simula ng matanto niyang in love siya rito. Pagpatak palang ng alas kuwatro kanina ay nakaabang na si Sayon sa kanyang cellphone. Naghihintay siya ng text o tawag ni Noah. Dapat ay matutulog din siya kaninang tanghali pero hindi niya makuha ang tulog da
