By Michael Juha
getmybox@hotmail.com
fb: Michael Juha Full
------------------------------
Mistulang umikot ang paningin ko at gumuho ang buong mundo sa narinig. Dahil sa hindi nakayanang balita, dali-dali akong tumakbo patungo sa kuwarto ko, sabay sigaw ng, “Mga traydor! Mga traydor kayo! Pinaglalaruan niyo lang ako! Arrgggghhhhhhhh!!!”
“Jason, makinig ka sa paliwanag ko!” ang sigaw ni Shane.
“Ayoko nang makinig sa iyo! Mga sinungaling kayooooo!!!!”
Hindi ko na alam kung ano ang nangyari kay Shane pagkatapos noon. Marahil ay doon na siya nagpaliwanag kina mama at papa dahil ang alam ko, wala ring kaalam-alam ang mga magulang ko sa nangyari kay Kuya Rom. Wala na akong pakialam. Ang alam ko lang ay matindi ang galit na naramdaman ko para kay Kuya Rom. Walang humpay ang aking pag-iyak
