Nakahinga ako nang maluwag matapos kong masagot lahat ng katanungan ng nag-iimbestiga. Purong katotohanan lang naman ang aking sinambit maliban sa parte ng pagiging halimaw ko; hindi nila pwedeng malaman iyon.
"Kamusta Belle?" Naglalakad na kami ni Mateo patungo kila tiya Imelda.
"Ayos naman. Nakahinga na rin nang maluwag. Kailangan ko na lang makausap si Kristina ngunit hindi ko pa rin sigurado kung kailan siya magiging handa."
"Pakiramdam ko naman ay papayag siyang magsalita Belle. Malakas ang aking kutob na tutulungan ka ng iyong kapatid."
Malaki rin naman ang tiwala ko kay Kristina ngunit ayoko talaga siyang biglain. Bata pa siya kung kaya'y naaawa ako sa mga nangyayari sa kanya ngayon. "Bigyan muna natin siya ng panahon Mateo."
Tumango na lang si Mateo habang diretsong nakatingin
