"Ama, ina, kuya, panahon na siguro para malaman ninyo." Pigil hininga kong hinintay ang sasabihin ni Kriselda. "B-babae po ang aking napupusuan."
Namilog ang aking mga mata sa narinig. Nagkaroon na siya ng lakas na aminin ang kanyang kasarian sa kanyang pamilya. Akala ko'y habang buhay na lang siyang magtatago sa likod ng kanyang maskara.
"Ano ulit iyon Kriselda?" Nabigla rin akong hindi sumigaw si tito Miguel. Akala ko ang kanyang reaksyon at tulad ng reaksyon niya noong malaman niyang nagdadalang tao ako ngunit hindi. Kalmado lamang siya.
Nangilid ang luha sa mga mata ni Kriselda. "Babae po ang nais ko ama. Patawarin ninyo po ako."
Tumango si tito Miguel. "Bakit ka humihingi ng tawad anak? Walang masama sa iyong nararamdaman. Babae o lalake man ang iyong nais, naiintindihan ko. Mins
