HINDI na namalayan ni Jiron ang oras sa kaaabang sa galaw ni Micaya. Nalungkot pa siya nang makitang nakapili na ang mga ito ng singsing na gagamitin sa pag-iisang dibdib. Sinundan niya hanggang sa tumungo ang pares sa made to order section.
"Sir, magpapatahi ka po ba?" salubong sa kaniya ng gay designer.
Nasa loob na sina Micaya at Daniel. Sinusukatan ang mga ito.
"Y-Yes. I need five pieces of black tuxedo, please!"
Napilitan na siyang magpasukat. Niyaya siya ng designer sa area nito. Malawak ang silid na iyon. Makikita lang ang mga nagpapasukat. Maraming area roon. Nakikita niya sina Micaya at Daniel roon. Pinanindigan niyang hindi tanggalin ang sumbrero at sunglasses. Kahit hinihimay-himay ng sakit ang puso niya ay patuloy siyang nakasubaybay sa dalawa. Naunang natapos ang mga it
