MATAPOS turukan si Jiron ng virus ay humiling siya kay Greg na tumambay muna siya sa coffee shop. Nanaig ang kakaibang init sa katawan niya. Inuobserbahan siya nito. Panay ang bukas niya ng fridge at umiinom ng tubig.
"Okay ka lang ba, Jiron?" usisa nito sa nararamdaman niya.
Naglabas na si Greg ng isang gallon na tubig at inilagay sa water despenser. Napansin kasi nito na naubos na niya ang mga bottled water sa fridge. Panay rin ang pabalik-balik niya sa CR.
"Lalabas ako mamaya," aniya matapos lagukin ang isang basong tubig.
Naninibago si Greg sa mga ikinikilos niya. Hindi kasi siya mapakali at napadalas ang pagkauhaw niya. Tila may sinisinghot siya na hindi niya mahanap-hanap kung saan. Nangangati ang mga palad niya at dibdib. Nagtitiiman ang mga ngipin niya.
"Baka may gusto kang
