“Geez, may tama na kayo agad?”
Hindi sigurado si Keith kung totoo ngang si Jude ang nakikita niyang umupo sa pagitan nila ni Penny. Kung lutang na siya kanina nang makita ito sa tabing-dagat, mas nahihilo siya ngayon. Gayunman, tanda pa rin niya ang boses nito. Kaya, ipinagpapalagay niyang si Jude nga na kapwa husbando ang humampang sa kanila.
Itinaas ni Keith ang hawak na shot glass. “Kanina pa ako umiinom, pare. Alak na ang dumadaloy sa ugat ko. Hindi na dugo,” aniya sabay bottoms up dito. Nang madama ang pagguhit ng mainit na likido sa kanyang lalamunan ay bumuga siya ng hangin sa lalamunan. “Hah!”
“Siya lang ang lasing. I’m still good."
Bahagyang ngumisi si Keith nang marinig ang pagmamalaki ni Penny. Ang akala ba nito’y siya lang ang tatamaan sa gabing ito? Hindi maaari! Dapat la
