"Hello, love…"
Pagdating ni Keith sa bahay ay isang mainit na halik ang sinalubong sa kanya ni Irish. Dahil dito'y lahat ng stress sa opisina ay agad na nawala sa kanyang isipan. Tunay ngang walang kapantay ang umuwi na ang maaabutan ay ang sariling pamilya.
"Sarap naman 'yan," bulong ni Keith nang maghiwalay ang kanilang mga labi. Nakayakap pa rin ang mga braso niya sa maliit na baywang ng asawa. "By the way, nasaan na ang mga bata? Naglalakad na ba?"
"Keith!" natatawang tinapik ni Irish sa balikat ang asawa. "Hindi ka naman masyadong excited, 'no? Three months pa lang ang mga anak mo, tapos maglalakad na? Hintayin mo kaya munang matutong tumaob."
"Oo, excited ako sa mga milestone nila." Pinisil ni Keith ang dulo ng ilong ni Irish. "Sorry na. Masayang-masaya lang talaga ang asawa mong
