Nang araw ding iyon ay tumungo si Winona sa bahay ng kanyang susunod na trabaho; sa bahay ni Keith Levi De Asis. Tila nais niyang umurong nang papasukin sa malaking gate hanggang sa makatungtong siya sa main door.
Sana kapangalan lang niya ang nakatira dito. Sana hindi siya. Nagbuntong-hininga siya, saka kumatok. Isang magandang babae ang nagbukas nito at awtomatikong ngumiti sa kanya.
“Oh, hi. Are you Winona Enriquez? ‘Yong pinadala ng RealCare?”
Makailang beses na kumurap si Winona. “Y-yes, ma’am. It’s me. Nice to meet you.” Inilahad niya ang kamay. Ngunit laking gulat niya nang imbes na makipag-shake hands ay binigyan siya ni Irish ng mabilisang yakap.
“Nice to meet you too, Winona. Halika pasok ka,” pag-aalok ni Irish.
Habang sinusundan ni Winona ang bagong amo ay kaliwa’t kanan
