“Lorelei, si Lucas,” sabi sa ‘kin ni Lolo Ramon nang buksan niya ang pinto. May kumatok kasi sa pintuan at siya ang bumangon para buksan ito dahil nakahiga na kaming tatlo sa kama at nasa pagitan nila ‘ko ni Lola Nida.
“Pakisabi po tulog na po ako,” sabi ko habang nakayakap ako kay Lola Nida. Baka kasi awayin ako ni Lucas, dahil binawi ko ‘yung picture ko sa kanya, kaya ayaw kong lumabas. Kung nandito ako kasama sina Lolo Ramon at Lola Nida, baka magbago ‘yung isip niya. Hindi naman niya siguro ako kakaladkarin palabas sa harapan nila.
“Rinig na rinig ka ng nobyo mo. Bumaba ka ng kama at harapin mo siya. Parang picture lang, nagtatampo ka na. Tumayo ka na d’yan. Hindi ka pa naman tulog.”
“Si lolo naman, kinampihan pa si Lucas. Bagong favorite ‘yan?” sabi ko sa isip ko habang pababa na ‘
