“SIGURADO kang hindi na kita hihintaying makasakay?”
Kinuha ni Luisita ang bag niya na dala ng kanyang ama. Inihatid siya nito sa bus stop. Wala siyang nadatnang bus at kailangan niyang maghintay. Karaniwan nang pinapasakay muna siya ng kanyang ama bago ito umalis, ngunit nagle-labor ang isang baka nito kaya nagmamadali itong makabalik.
“Okay lang po ako, `Tay. Baka mayamaya lang ay may dumating ng bus. Sige na ho, bumalik na po kayo at baka nanganak na ang baka n’yo.”
“Sigurado ka talaga?”
Kahit paano ay natawa siya. “`Tay, hindi na po ako bata. Malaki na po ako.”
Hinagkan nito ang ibabaw ng ulo niya bago ito umalis.
Habang wala pang bus ay umupo muna siya sa mahabang bench na naroon. Wala pang alas-tres ng madaling-araw. Puno ng ilaw ang lugar kaya maliwanag. May mangilan-ngilan n
