“SHE’S gone. Come on, let’s go.”
Luisita was in a daze. Hindi pa bumabalik ang katinuan sa kanya. Hinayaan na lang niya si Cecilio na hilahin siya patungo sa kakahuyan, palayo sa hot spring na dapat sana ay pupuntahan nila.
Sinamahan nila nang araw na iyon si Hannah para makapag-relax sa hot spring. Habang patungo roon ay hindi niya maintindihan kung bakit iniinis siya ni Cecilio. Ayaw sana niyang pansinin ang kakulitan nito ngunit hindi ito tumigil hangga’t hindi niya ito pansinin. Para itong bata. At para din siyang bata dahil pinatulan niya ang mga pang-aasar nito.
Nagulat siya nang totohanin nito ang banta nitong hahagkan siya kanina. Paglapat pa lang ng mga labi nito sa mga labi niya ay kaagad nabura ang lahat ng matinong kaisipan sa utak niya. Nakalimutan niya na kasama nila si Ha
