-Christine's POV-
KAGAGALING ko lang ng Ospital ngayon dahil ngayon lang natapos ang duty ko. Nagbago na rin kasi ang duty ko sa hospital. Panggabi na ang trabaho ko. Mula alas-dose ng hating gabi hanggang alas-sais ng kinabukasan. Oras na para pumunta ako sa Coffee shop na pinagtatrabahuhan ko.
Mahirap ang buhay kaya kailangang magdoble kayod. Sa pagtawid ko'y hindi ko napansin ang SUV na paparating. Huli na nang makita ko ito. Naramdaman ko na lang ang kamay na humawak sa aking braso't hinikit ako papunta sa tabi. Napasubsob ako sa kaniyang dibdib. Masyadong mabilis ang mga pangyayari.
Lumayo ako ng bahagya at tinignan ang taong naglitas sa akin.
"M-Markuz?" Oo siya nga. Ang asawa kong babaero. "At anong ginagawa mo rito? Umalis ka na nga. Nasisira ang araw ko kapag nakikita kita."
