Hawak ni Zenandro sa isang kamay ang malapad na lagayan ng pagkain na naglalaman ng mainit-init pang sinangag, danggit at itlog. Ang kabilang kamay naman niya ay isinusuksok ang susi sa butas ng susian.
Nang mabuksan ang pinto ay huminga muna siya ng malalim bago humakbang sa loob ng silid. Naabutan niyang nakasalampak ng upo sa sahig si Faustina at nakatingala sa kanya habang malalim ang pagkakasimangot. Suot pa rin nito ang silk robe pero alam niyang nakapaglinis na ito ng katawan dahil nag-iwan siya ng malinis na bimpo, palanggana, at balde ng tubig kagabi. Binigyan niya rin ito ng malinis na toothbrush at isang pakete ng toothpaste. Nasa isang sulok na ang mga iyon ngayon at maayos naman ang pagkakatabi.
"You want to pee or anything?" tanong niya.
"I want a proper bath," matigas ni
