Nanlalambot ang mga tuhod ni Faustina habang nakatayo siya katabi ni Zen sa harap ng puntod ng mga magulang niya. Hindi niya alam kung bakit doon siya dinala ng binata. Napatingala siya rito at namalas niya ang seryosong ekspresyon sa guwapo nitong mukha. Titig na titig ito sa mga lapida na tila ba totoong naroroon ang mga magulang niya.
She slowly pulled the bottom hem of his shirt. “B-bakit mo ba ako dinala rito? Kung gusto mo palang bisitahin ang puntod ng mga magulang ko, sana nagsabi ka agad at hindi iyong gagawa ka na lang ng eksena. Isa pa, hindi mo naman ako kailangang isama pa kung gusto mong magpunta rito.”
“Gusto kong makausap ang Mommy at Daddy mo.”
“Ano ba ang gusto mong sabihin sa kanila? Puwede namang bumalik ka na lang rito sa ibang araw. Kasal ko kasi ngayon at naghihin
