Bernadette and Juniel - 23
“HONEY...” masuyong tawag ni Juniel na sinasabayan ng marahang pagyugyog sa kanyang balikat. “A-ano’ng oras na?” nakapikit pa ring tanong ni Bernadette. Namimigat pa ang talukap ng kanyang mga mata at walang kakayahang dumilat. “Three hours before our flight to Canada,” sagot ni Juniel sa pagitan ng paghalik-halik nito sa kanyang leeg. Nagigising ang kanyang diwa sa ginagawa ng asawa. Mamasa-masa pa ang mukha nito na palagay niya ay nakapaligo na dahil wala na rin ang maliliit na tubo ng balbas na nararamdaman niyang humahagod sa kanyang balat sa ikalawang beses na pag-angkin nito sa kanya. Nagustuhan ng pang-amoy niya ang suwabeng bango ng after-shave lotion na ginamit nito. Sa halip na bumangon ay ikinawit niya ang isang kamay sa leeg nito. “Inaantok pa ako, eh,” malambing niyang wik
- Writer
