"Anong nangyari sa iyo, 'nak?" nag-aalalang wika ni Aling Laura. Naabutan niyang umiiyak si Allison. Naroroon pa rin ito sa kung saan iniwan ni Abbey.
"'Nay!" palahaw ng dalaga. Tumayo ito upang yumakap sa ina.
Kinutuban na kaagad si Aling Laura. "Alam na ni Abbey," anito pagkatapos ng isang malalim na buntong hininga.
"'Nay, anong gagawin ko?"
Hinaplos ni Aling Laura ang buhok ng anak. "Nandiyan na, eh," wika ng ginang. "Harapin mo na lang ang kinahinatnan ng desisyon mo, anak. Wala ka namang ibang mapagpipilian. Pero kagaya ng sinabi ko, naniniwala akong wala kang kasalanan."
"Si Abbey lang ang kaibigan ko, 'Nay. Ano na ang gagawin ko?" Hindi maampat ang pagluha nito.
"Hintayin mo lang na humupa ang galit niya sa iyo. Huwag mong sasalubungin. Pagkatapos, suyuin mo hanggang sa maun
