"I'm happy for you, Allison, bes," masayang wika ni Abbey. "Finally, maayos na kayo ng papsy mo. Wala na ring burden diyan sa puso mo, puro love na lang ang nakaupa."
"Thank you, bes! Sana puso mo naman ang lumigaya," nakangiting tugon ni Allison.
"Naku, kung love life ang tinutukoy mo, sa ngayon ay malayo pa sa isip ko ang pag-ibig na iyan. Focused ako kay Inay. Kailangang kumayod ako. Hindi na rin paayos ang sitwasyon niya. Kailangang triple ingat, malingat lang ako ng kaunti, baka ano na ang mangyari sa kanya. Hindi ko kakayanin."
"Baka pwede namang pagsabayin?"
Kapwa sila napalingon nang marinig ang boses ni Kevin. Napaawang ang labi ni Abbey. Kasama ni Kevin ang pamangkin nitong si Marky.
"I mean ang trabaho at pag-ibig," dugtong na wika ni Kevin. "Mahaba naman ang pasensya ko at
