Halos wala ako sa sarili habang tinatahak namin ang daan pauwi. Ang mga gusali, puno, at bahay na aming dinadaanan ay tila mga larawang dumadaan lamang sa aking mga namumugtong mata habang ang aking isip at puso ay napagod na.
"Bes," tila natauhan ako nang dumampi sa akin ang banayad na tapik ni Berna. Sa kaabalahan ng aking isip ay hindi ko namalayang nakarating na pala kami sa aming bahay. Kami ni Berna ang magkasama sa kanyang kotse habang inihatid ni Zach sina Petra at Scarlet pauwi sa kanila.
Tumango ako, "Salamat, Bes"
"Tawagan mo ako pag may kailangan ka,"
"Salamat," tugon ko. Bumaba na ako sa sasakyan at dumiretso patungo sa gate ng aming bahay. Pagkaraan ay umalis na rin si Berna.
Inaasahan kong wala pang tao sa bahay dahil nasa tindahan pa sina Mama at Ading. Doon kasi sila
