"You look gorgeous, congratulations!" nakangiting sabi ng baklang nag ayos ng aking buhok at make up.
Napangiti ako habang pinagmamasdan ang sariling repleksyon sa salamin. Noon ang pinangarap ko lamang ay makapag aral at bigyan ng magandang buhay ang aking pamilya. Tunay na mabuti ang Diyos dahil higit pa doon ang inilaan Nya para sa akin. Binigay Nya sa akin si Chairman na naging instrumento upang ako ay makapag aral at umunlad ang aming buhay. Bukod doon, hindi ko inakalang bibigyan Nya ako ng lalaking tunay akong mamahalin at tatanggapin.
Tila isang panaginip pa rin na sa kabila ng pagdududa sa aking sarili, heto at malapit na akong ikasal sa lalaking aking mahal. Nagpapasalamat ako dahil handa nya akong ipakilala bilang kanyang magiging kabiyak. Gayundin, masaya ang aking puso na na
