HINDI mapakali si Loui nang gabing iyon dahil sa sinabi ng Yaya ni Theo tungkol sa lalaking kamukha ni Benjie. Gusto niyang magkaroon ng linaw ang mga tanong sa utak niya - na kung totoo ngang nasa labas na ng seminaryo ang ama ng kanyang anak. Dalawang tao ang kaagad na pumasok sa kanyang isipan para makumpirma ang impormasyong iyon, at iyon ang mag-asawang Iris at Russel.
Bagama’t nagkatampuhan sila ng mag-asawang kaibigan dahil sa pagpipilit ng dalawa na maaring may pag-asa pa sila ni Benjie, hindi niya pa rin matiis ang mga ito. Naiintidihan niya rin ang punto ni Iris at Russel na dahil si Benjie ang ama ni Theo. Ngunit alam niya ring huli na para sa kanilang dalawa ang lahat dahil pareho na silang nakatali - si Benjie sa pangarap nitong paglilingkod, at siya naman ay
