Idinilat ni Lily ang mata niya at nakita niya ang dalawang taong nakatingin sa kaniya. Sa una ay hindi niya pa maaninag ito dahil sa nararanasan niyang pananakit ng ulo kaya nanlalabo ang kanyang mata, pero maya maya pa ay nakita niya na ang itsura ng mga ito. Sina Master Lua at Miss Kate ang mga umaabang sa pagmulat niya. Sinubukan niyang bumangon pero hindi niya kaya, kaya tinulungan siya ni Miss Kate na umupo.
“Nasaan na po ang pusa na ‘yun?” tanong ni Lily habang nahihilo hilo pa sa nangyayari sa kanya.
“Pagkatapos mong habulin sa mga puno at sumunod ako para saluhin ka, wala na akong nakitang pusa pa,” sagot ni Master Lua kay Lily habang nagpapabalik ang tingin ni Master Lua kay Miss Kate at Lily.
“Si Chief Lee po ba ayos na?” Lilingon sana siya kay Chief Lee pero sumakit ang kan
