"WE'RE HERE!" nakangiting wika ni Brad pagkapasok nito sa lumang bahay kasama si Maya.
Naroroon sa salas sina Doctor Harold at ang asawa nitong si Ynez na karga-karga si Isabella.
"Hi, Maya!" bati ni Harold sa dalaga. "Ikaw pala ang mag-aalaga sa pamangkin ko," anito.
"Hi, po, Dok Harold," nahihiya pang wika ni Maya. "Hi po, Ma'am Ynez.
"Hi, Maya!" nakangiting bati rin ni Ynez sa kanya.
"Alam mo ba, Brad, napakabait at napakasipag ng batang iyan," wika ni Harold, referring to Maya. "Masaya ako at siya ang mag-aalaga kay Isabella. Siguradong nasa mabuting kamay ang anak mo."
"Maraming salamat ho, Dok Harold," namumula ang pisnging wika ni Maya.
"Nararamdaman ko naman iyon, Kuya," tugon ni Brad sa nakatatandang kapatid. Nagbaling ito kay Maya. "Maya, ipasok mo na lang ang mga gamit mo
