"HI, TYRON!"
Mabilis na napatigil sa paglalakad si Tyron nang marinig ang pagtawag sa kanya ng isang babae. Kapwa nurse niya iyon na nagtatrabaho rin sa parehong ospital na pinagtatrabahuan niya. Si Cielo iyon. Kaagad na umikot ang kanyang mata. Hangga't maaari ay iniiwasan niya ito dahil sa ubod ng kakulitan nito. Isang taon na magmula nang hayagan itong magtapat ng pag-ibig sa kanya, ngunit ni minsan ay hindi niya ito binigyan ng atensyon dahil si Maya lang talaga ang kanyang gusto. Laking pasasalamat niya na magkaiba sila ng shift dahil kung hindi, araw-araw siyang maririndi sa pagmumukha nito.
"Ano na naman, Cielo?" naiinis niyang wika pagkatapos na lingunin ito.
"Ito naman, parang ngayon lang tayo nagkita tapos ganyan na kaagad ang mukha mo," nakasimangot na wika ni Cielo.
"Eh, ba
