"SIGE, i-compress mo lang iyan nang tuloy-tuloy wika ni Brad habang nagtitimpla siya ng kape para sa kanilang dalawa ni Maya.
Sinunod naman iyon ng dalaga. Patuloy siya sa paglalapat ng cold compress sa kanyang maliit na bukol. Bakit ba kailangang palalain lahat ni Brad ang maliliit na bagay? Kung kumilos ito ay palaging parang grabe ang lagay niya. Kulang na lang ay tumawag ito ng ambulansya. But it's totally fine with her. Pakiramdam niya kasi ay bini-baby siya nito. Kinikilig tuloy siya.
"Sir, nakakahiya naman po sa inyo. Kayo pa talaga ang nagtimpla ng kape ko," aniya.
"No, it's okay," mabilis na tugon ni Brad. "No'ng sinabi mong gusto mong magkape, parang bigla ko ring na-miss ang magkape. Parang bigla akong naumay sa tea. Kaya hayaan mo nang isabay kita." Inilapag nito ang tasa ng
