"DAY off?" salubong ang kilay na wika ni Brad.
"Opo," tugon ni Maya. "Alam ko pong busy kayo sa trabaho ninyo ni Sofia, pero may kailangan ho akong gawin, eh. Saglit lang naman po. Hindi nga ho iyon matatawag na day off kasi baka mamayang tanghali, nandito na ako."
"Okay," tugon ni Brad. "Sige. Sisilip-silipin ko na lang si Isabella."
"Uuwi ho kaagad ako, promise," nakangiting wika ni Maya.
Tumango si Brad.
Pagkatapos magpaalam ay kaagad na umalis si Maya. Kung gusto niyang mapansin siya ni Brad, kailangang simulan na niyang kumilos ura mismo. Baka masyado siyang plain tingnan. Baka masyado siyang boring. Kailangan na siguro niya ng make over.
Hindi pa naman niya nagagalaw ang perang natira sa huling sahod niya kaya iyon ang gagamitin niya. Kailangan niyang magkaroon ng kompiyansa sa
