Kunot nuo akong nakatitig sa harapan ng salamin habang sabay kaming nagsisipilyo ng ngipin ni Kade. Kahit nakakaakit ang mabango niyang amoy ay hindi pa rin no'n matanggal ang pagkainis ko sa bago kong pinsan. Obvious naman na gusto niyang pumapel agad sa kumpanya. Kung ako ang apo nilang nakasama ng matagal, hindi ko 'yon gagawin sa kanila. Ayos na kong may magandang buhay at kasama sila. Lalo na ngayon at matatanda na sila lolo at lola. Kailan ba kasi nila sasabihin sa akin ang totoo, na kilala nila ko at hinahanap?
"You alright? You look tired." Napatingin si Kade sa repleksyon ko sa salamin.
"Ayos lang ako, ayoko lang kay Chinny," sagot ko sabay dura sa lababo. Tumingin sa akin si Kade na parang natatawa sa sinabi ko. "Hindi ka ba naiinis sa kanya? Ang arte niya kaya, saka ang suplad
