Nagising ako nang may kumatok sa pinto ng kwarto. Hindi ko namalayan na nakatulog na pala ako. Napatingin ako sa orasan sa gilid ng mesa at alas onse na pala. Kahit nakapikit pa ang isang mata ko ay mabilis akong bumangon para pagbuksan kung sino man 'yon nang hindi iniisip ang itsura ko. Nagkakamot pa ko ng ulo nang manlaki ang mga mata ko, huli na ang lahat para sa akin. Pagkabukas ko ng pinto ay bumungad agad sa akin ang dalawang matanda, ang mag-asawang Usoro.
"Ahm, hi po," tanging nasabi ko kasabay ng tarantang pag-aayos man lang ng buhok. Gamit ang dalawang kamay ko, mabilis kong sinuklay ang magulo kong buhok. Sunod kong tinignan ang damit ko kung ayos lang. Nakakagulat sila. "May kailangan po ba kayo?" Ngumiti agad ako.
"Bakit hindi ka lumalabas? Hindi mo ba nagagandahan dito?" t
