Ngumiti ako at sumilip sa gilid ng yate. Makikita mula rito ang islang sinasabi ni Kade. May mga tao sa dalampasigan na parang naghihintay sa pagdating namin.
Pumikit ako sa huling pagkakataon, hihinto na kami at gusto kong lasapin ang hangin na tumatama sa mukha ko. Ang payapa . . . sobrang payapa sa pakiramdam.
"Have you seen Titanic?" biglang bulong ni Kade sa tainga ko.
Nakiliti ako at napaigtad dahil sa sobrang gulat. Agad akong napalingon sa kanya para tignan siya. Naabutan ko siyang nakangiti habang dahan-dahan akong niyayakap mula sa likuran ko at hindi pa siya nakuntento. Mas hinigpitan niya ang pagyakap sa akin at pinatong ang kanyang baba sa balikat ko.
"Ganito ang ginawa nila do'n," muling sabi niya. "Itaas mo 'tong mga kamay mo." Pahimas ang kanyang ginawa. Hinawakan niya
