"Ayos ka lang?"
Nagising ako dahil sa liwanag ng paligid. Pagmulat ng mga mata ko, agad na bumungad sa akin ang nag-aalalang mukha ni Kade. Nakaupo pa rin ako ngayon sa loob ng storage room, yakap ang isang walis. Hindi ko maiwasang makatulog kanina dahil sa tagal ng usapan nila. Paulit-ulit lang naman ang takbo no'n, ayaw nila sa akin kahit ano pang pagtatanggol ang gawin ni Kade.
"Sorry kung natagalan ka diyan. Kaaalis lang nila."
"Ayos lang. Kaso may nakalimutan pala ko."
"Ano 'yon?" Lumuhod siya at binuhat ako. Napayakap na lang ako sa kanya dahil sa gulat. Hindi ako nagreklamo dahil hindi rin ako makatayo dahil sa tagal ng pagkakaupo ko kanina. Siya talaga ang knight in shining armor ko. Kahit hindi ako magsalita, lagi niyang alam kung anong kailangan ko, kung paano ko tratratuhin
