Cassie
TANGHALI na ako nagising kinaumagahan. Masakit ang mga mata ko habang tinatamaan ng maliwanag na sinag ng araw. Hindi ko na alam kung anong oras na kami natapos ni Jed nagkuwentuhan. Ang sarap lang sa pakiramdam, para lang kami ulit bumalik sa teenager days.
Kinapa ko ang kanang bahagi ng kama pero wala akong nasalat, doon ako napabalikwas ng bangon at nawala na ang nititira kong antok sa katawan.
"Jazs?" mahina kong tawag pero walang Jazsmine na sumagot sa akin. Pumunta ako sa bathroom pero wala rin siya doon kaya nagmadali akong nag ayos ng sarili saka bumama.
Malayo pa lang ako pero dinig na dinig ko na ang tawanan ng mag ama. Para namang hinaplos ng mainit na palad ang puso ko ng makita silang masayang naglalaro. Tumitiling tumatakbo si Jazsmine
