Napahawak ako sa sintido ko nang saglit na kumirot ang aking ulo. Ganoon ba kalakas ang tama sa akin ng beer na iyon? Sa pagkakaalam ko kasi ay tatlong bote pa lang ang naiinom ko. Namalayan ko na lang na nasa kuwarto na ako ni Gino nang magising ako. Wala na akong maalala kagabi matapos ang insidente. Hindi ko rin lubos maisip na pagtatangkaan akong halikan ni Daniel kagabi. Pero hindi ko maunawaan kung bakit niya gagawin sa akin ang bagay na iyon. Dala lang ba talaga ng kalasingan kaya nagawa niya ang bagay na iyon sa akin o may iba pang dahilan?
Ewan!
I forced myself to wake up. Medyo nahihilo pa ako at pakiramdam ko ay lumulutang ang ulo ko. Hindi ko alam kung dala pa rin ba ito ng alak o pakiramdam ko ay para akong high. Siya namang pagpa
