"Direk! Direk! May problema tayo!" Halos maghabol ng hininga ang staff na lumapit kay Ivana. Laking pagtataka ko naman sa bigla nitong paglapit. Ano naman kaya ang problema?
"Ano na naman ba 'yon?!" Hindi tuloy malaman ni Ivana kung anong gagawin. Second day pa lang ng shooting ay kung ano-ano na agad ang problemang dumarating. Una, na-late kami ni Gino dito. Tapos ngayon... ay ewan ko na.
"D-direk..." Hindi maituloy ng staff ang sasabihin niya dahil hinihingal pa rin ito. Sa bigat ng katawan ng staff dahil sa laki ng katawan nito, hindi kataka-takang mabilis itong mapagod.
"Kapag hindi ka nagsalita, huhugutin ko 'yang ngalangala mo!" pabirong pagbabanta ni Ivana. Halata sa mukha ni Ivana ang stress. Umagang-umaga pa lang p
