Matapos ang ilang minutong paghahanda ay nagsimula na kami sa shoot. Naka-ready na ang lahat. Nakapuwesto na ang mga camera at cameraman. Maging si Gino at Danica ay nakabihis na at naayusan na. Bilin ko kay Gino, sa akin tumingin at hindi kay Danica para hindi siya kabahan at makalimutan ang linya niya. Sinunod naman niya.
Ilang metro lang ang layo ko sa likod ni Danica pero kita pa rin niya ang presensya ko. Tinanguan ko lang siya at sinenyasan ng thumbs up para matanggal ang natitira pang kaba sa dibdib niya.
"Okay, camera stand by!" Nagsimula nang sumenyas si Ivana.
Tumahimik na ang lahat. Sinigurado nilang walang ibang maririnig na tunog sa kukunang eksena kundi ang dalawang artistang nasa harapan nami
