Kinabukasan ay hindi pa rin ako makalimot na may alam ang kapatid kong si Jake tungkol sa’min ni Matthew at nanatili lang to’ng tahimik. Medyo napapaisip tuloy ako na kaya niya hindi sinasabi kila Mama ay para may pang-blackmail siya sa’kin.
Kahit na kanina pa ako nakabangon ay ‘di pa rin ko makabangon dahil parang ramdam ko na naman ang pagkatamad ko.
Naisip ko naman na official na pala akong nililigawan ni Matthew kaya ‘di ko mapigilang mapangiti at kiligin sa mga maaari niyang maging hirit.
Hindi ko rin talaga lubos akalain na papayag ako na ligawan niya kahit na alam kong malaki to’ng problema. Siguro ay natakot din ako na baka tuluyan na siyang magsawa sa anong meron sa’min na hanggang do’n lang kami na walang label.
Maya-maya ay tumunog ang phone ko na nagpapahiwatig na may nag
